نفس المادة..
تجربة مختلفة لكل طالب
من تحديد مستوى البداية لطريقة الشرح ونظام الحصة، كل قرار بناخده على حسب احتياجه.
في ألما، بنقدم حصص Live في English, Math & Science، بمناهج مصرية وخليجية وأمريكية وبريطانية.
- حصص Live
- جلسات Individual ومجموعات صغيرة
- English · Math · Science
- مناهج مصرية · خليجية · أمريكية · بريطانية
مين ألما؟
منهج واحد، وطرق مختلفة.
ألما أكاديمية تعليمية تركيزها الأساسي على الطالب، مش بنفترض إن طريقة واحدة في الشرح والتطبيق هتساعد كل الطلاب.
لأن في نفس الـLesson، ممكن طالب يفهم من أول مثال، وطالب يحتاج نعيد له بشكل مختلف، وطالب يكون فاهم الفكرة لكن يتلخبط أول ما يبدأ يطبقها لوحده.
علشان كدا، التكرار لوحده مش دايمًا كفاية.
وبناءً على دا، بنختار نقطة البداية والطريقة الأنسب له.
ألما بتدرِّس إيه؟
المواد الأساسية، بالطريقة اللي تناسب الطالب.
-
English
من القواعد والـVocabulary للقراءة والكتابة والتطبيق، حسب المرحلة والمنهج.
-
Math
فهم الفكرة، خطوات الحل، والتدريب على استخدامها في أسئلة مختلفة بدل حفظ الخطوات وخلاص.
-
Science
تبسيط المفاهيم وربطها ببعض، عشان الطالب يفهم قبل ما يحفظ.
المناهج المتاحة
- المصري
- الخليجي
- الأمريكي
- البريطاني
توافر المادة والمرحلة يتم تأكيده عند الحجز.
ألما مناسبة لمين؟
ألما مناسبة للطالب اللي:
- محتاج يقوي أساسه في مادة معينة.
- بيفهم أثناء الشرح، لكن بيتلخبط لما يحل لوحده.
- محتاج متابعة أقرب من اللي بتسمح بيها المجموعات الكبيرة.
- عنده أجزاء محددة موقفاه ومحتاج نرجع لها.
- محتاج شرح يتغير حسب استجابته، مش مجرد إعادة لنفس الكلام.
- بيستفيد أكتر لما يكون عنده مساحة يسأل ويجرب ويغلط.
وكمان مناسبة لولي الأمر اللي مش عايز مجرد «شرح للمنهج»، لكن عايز ابنه يفهم ويستوعب أحسن.
ليه ألما؟
خمس حاجات بتفرق في كل حصة.
-
الحصة Live
بدون فيديوهات مسجلة.
الطالب يقدر يسأل وقت ما يحب، والمدرس بيشوف استجابته وهو بيشرح.
تفاعل حقيقي، في وقته.
-
Individual أو Small Group
شكل الحصة بيتحدد حسب احتياج الطالب.
فيه حالات تستفيد أكتر من التركيز الفردي، وحالات بيكون التفاعل داخل مجموعة صغيرة جزء مهم من التجربة.
عشان كدا الاختيار عندنا مش مبني على إن نظام «أفضل» من التاني؛ لكن على أنهي نظام يخدم الطالب بشكل أحسن في مرحلته الحالية.
-
أعداد محدودة
كل ما العدد يقل، الطالب بياخد مساحة أكبر: يسأل، يشارك، يحل.
والمدرس يقدر يتابعه بشكل فعال أكتر بدل ما يضيع وسط المجموعة.
المجموعات غالبًا من 3 لـ 10 طلاب، على حسب الحصة.
-
الشرح مش Script ثابت
نرجع خطوة. نغير المثال. نقسم الفكرة. نجرب تطبيق مختلف. أو نسيب الطالب يحاول بنفسه.
كل خطوة على حسب احتياجه.
-
أكتر من نظام تعليمي
سواء الطالب بيدرس المنهج المصري، الخليجي، الأمريكي أو البريطاني، بنحدد المادة والمنهج المناسبين من البداية عشان تكون التجربة مرتبطة فعلًا باللي بيدرسه.
Step Zero من ألما
كل خطة محتاجة نقطة بداية واضحة.
بنشوف الطالب واقف فين دلوقتي، وإيه اللي محتاجه فعلًا، ومن هنا بنحدد الخطوة اللي بعدها.
نبدأ بوضوح، وبعدين نبني.
Step Zero بيساعدنا نعرف:
- إيه اللي ماشي كويس؟
- إيه اللي لسه محتاج شغل؟
- الطالب بيقف فين بالظبط؟
- إيه نوع المساعدة المناسبة بعد كدا؟
Individual ولا Group؟
-
Individual
مناسب أكتر لما الطالب يكون محتاج تركيز مباشر على نقاط محددة، أو مساحة أكبر نمشي فيها واحدة واحدة من غير ما يكون مرتبط بسرعة المجموعة.
-
Small Group
اختيار مناسب لما الطالب يكون محتاج يستفيد من المشاركة والأسئلة والتفاعل مع طلاب آخرين، مع الحفاظ على عدد محدود يسمح للمدرس يتابعه.
مش عارف تختار أنهي واحد؟
مش مطلوب منك تحدد من البداية.
بنعرف مستوى الطالب واحتياجه الأول، وبعدها نساعدك تحدد الاختيار الأنسب لمرحلته الحالية.
بنشتغل على إيه مع الطالب؟
مع الوقت، بنشتغل على إن الطالب:
-
يفهم، مش بس يحفظ
يفهم أكتر بدل ما يحفظ خطوات من غير ما يعرف بيستخدمها ليه.
-
يبدأ لوحده
يعرف يبدأ لوحده حتى لما السؤال ييجي بشكل مختلف عن المثال اللي اتشرح.
-
يعرف محتاج إيه
يحدد هو واقف فين ويعرف إيه اللي محتاج مراجعة أو تدريب أكتر.
-
يسأل، يجرب، ويغلط
يسأل ويجرب من غير ما الإجابة الغلط تتحول لسبب يخليه يبطل محاولة.
-
يبني أساس أقوى
يبني أساس أقوى يقدر يعتمد عليه في الدروس والخطوات اللي بعدها.
النتائج بتختلف من طالب للتاني حسب نقطة البداية، الانتظام، المادة واحتياجه؛ لكن هي دي المهارات اللي تجربة ألما مبنية علشان تطورها.
How It Works
تبدأ مع ألما إزاي؟
-
املأ فورم الحجز
سيب لنا البيانات الأساسية عنك.
-
نتواصل معاك
علشان نعرف تفاصيل أكتر ونحدد الخطوة المناسبة.
-
الحصة التجريبية
الطالب ممكن يجرب ألما بنفسه.
-
نحدد البداية
Individual أو Group، ومستوى البداية المناسب حسب الحالة.
-
تبدأ الرحلة
بخطة واضحة فيها مساحة تتغير مع احتياج الطالب.
FAQ
أسئلة بتتكرر من أولياء الأمور.
هل الحصص Live ولا مسجلة؟
الحصص Live، عشان الطالب يقدر يسأل ويتفاعل مع المدرس أثناء الشرح.
ألما بتقدم Individual ولا Groups؟
الاتنين متاحين حسب المادة واحتياج الطالب.
كام طالب بيكون في الـGroup؟
المجموعات بأعداد محدودة عشان يكون فيه مساحة حقيقية للمتابعة والمشاركة. غالبًا من 3 لـ 10.
بتدرسوا إيه؟
English وMath وScience، حسب المراحل المتاحة.
بتوفروا أنهي مناهج؟
المناهج المصرية، الخليجية، الأمريكية والبريطانية.
مش عارف Individual ولا Group أنسب لابني، أعمل إيه؟
مش مطلوب منك تحدد من البداية. بنعرف احتياج الطالب الأول، وبعدها نساعدك تحدد الاختيار الأنسب.
إيه اللي بيحصل بعد ما أملأ الفورم؟
فريق Alma بيتواصل معاك لاستكمال التفاصيل وتحديد موعد الحصة التجريبية والخطوة التالية.
احجز حصتك التجريبية
نبدأ؟
سيب لنا شوية معلومات بسيطة عن الطالب، وفريق ألما هيتواصل معاك لتحديد الخطوة المناسبة.
مش عارف تختار بعض التفاصيل؟ عادي. سيبها علينا وهنساعدك أثناء التواصل.
وصلنا — شكرًا لك.
فريق ألما هيتواصل معاك قريب لتأكيد التفاصيل وتحديد موعد الحصة التجريبية.
مش لازم تعرف الخطة كلها من دلوقتي.
ابدأ بالحصة الأولى، وخلينا نعرف الطالب محتاج يبدأ منين.